(NI NOEL ABUEL)
SUPORTADO ng ilang senador ang isinusulong ng Makabayan bloc sa Kamara na pagbabago o reporma sa party-list system sa bansa bunsod ng hindi na ito nagagamit sa tama.
Sinabi ni Senate Minority Leader Franklin Drilon na panahon nang baguhin ang itinatakda ng party-list system dahil nasasalaula na umano ito ng mayayaman at maimpluwensya.
“I am all for genuine reform of the party list system and our political party system in general. It is about time that we debate on this and come up with a meaningful and genuine reform,” sabi pa ni Drilon.
Giit pa nito na sa kasalukuyang sitwasyon ng party-list system naaabuso na ito ng mga maimpluwensyang political clans para higit na mapalawak at mapalakas ang hawak ng mga ito sa pulitika.
“Every election we would see millionaires, even billionaires, claiming to represent the poorest sector of the society. I don’t think that is the intent of the Constitution,” ayon pa sa senador.
Paliwanag pa ni Drilon na nasasaad sa Section 5 (2), Article VI of the Constitution states na ang party-list representatives ay bubuuin ng 20 porsiyento ng kabuuang kinatawan ng Kamara kabilang ang nasa ilalim ng party-list.
